သိကြားသာသနာဟု ခေါ်ဆိုရာတွင်

သာသနာတော်နဲ့ ပတ်သက်ပြီးတော့ သာသနာတွင်းနဲ့ သာသနာပ လို့ မှတ်သားဖူးပါတယ်။ သာသနာတွင်းဆိုတာကတော့ ဘုရားပွင့်တော်မူသည်အချိန်အခါကို ပြောတာဖြစ်ပြီး ဘုရားရှင်မရှိတော့သော နောက်ပိုင်းအချိန်များကိုတော့ သာသနာပ လို့ခေါ်ပါတယ်။ သာသနာပ ဆိုသော်ငြားလည်း သာသနာက ကွယ်ပျောက်သွားမှာ မဟုတ်ဘဲ ဆက်လက်တည်ရှိနေပါဦးမယ်။

ဘုရားရှင် မိန့်တော်မူခဲ့သော သာသနာတော်ခေတ် ၅၀၀၀ ဟုသတ်မှတ်ထားခြင်းမှာ- ရဟန္တာခေတ်က တစ်ထောင်၊ အနာဂါမ်ခေတ်က တစ်ထောင်၊ သကဒါဂါမ်ခေတ်က တစ်ထောင်၊ မဟာသောတာပန်ခေတ်က တစ်ထောင် ၊ စူဠသောတာပန်ခေတ်က တစ်ထောင် လို့ ဆိုပါတယ်။ ရဟန္တခေတ်တွင် ရဟန္တာပေါ်ပေါက်မှု အများဆုံးဖြစ်ပြီး ထိုခေတ်တွင် အခြားခေတ် ၁၀၀၀ စီမှ ပုဂ္ဂိုလ်ထူးများ (အနာဂါမ်၊ သကဒါဂါမ်၊ မဟာသောတာပန်၊ စူဠသောတာပန် ) လည်း ရောနှောပါဝင်ပါသည်။ ဗုဒ္ဓဘုရားရှင်၏ ဂုဏ်တော်ကို သံဃာတော်များမှ စောင့်ထိန်းသလို၊ သံဃာတော်များ၏ ဂုဏ်တော်ကိုလည်း ဓမ္မတရားတော်များမှ စောင့်ထိန်းကြပါသည်။ ဤသတ္တကမ္ဘာလောကတွင် ရဟန်းသံဃာတော်များ မဆိတ်သုန်းသရွေ့ ၊ မင်္ဂလာတရားတော်နှင့်အညီ နေထိုင်ကြသရွှေ့ သာသနာတော်သည် နှစ်အဆက်ဆက် ကမ္ဘာတည်သရွေ့ ဆက်လက်တည်တံ့နေပါမည်။ တဖြည်းဖြည်းနှင့် သာသနာတော် ဆုတ်ယုတ်လာသောအခါ သာသနာတော်ဆိုသည်ကို သိကြရရုံ ၊ ကြားကြရရုံ မျှသာ ကျန်ရှိတော့မည်ကို (သိ- ကြား) သာသနာ ဟု နောင်လာမည့်အခြေအနေကို ပြောခဲ့သည်မှ သိကြားသာသနာဟု ထင်မှားမိခဲ့ခြင်းလည်း ဖြစ်နိုင်ပါသည်။

တဖန်သိကြားသာသနာ ဟုအထင်မှတ်မှားရန်အကြောင်းအရင်း တစ်ခုမှာ – ဗောဓိပင်ရင်းတွင် သီတင်းသုံးတော်မူနေစဉ် ဘုရားရှင်တော်မှ ဒိဗ္ဗစက္ခုဖြင့် ကြည့်တော်မူသောအခါ နောင်တွင် သီဟိုဠ်ကျွန်း ( သီရိလင်္ကာ)သို့ သာသနာပြုမည့်ပုဂ္ဂိုလ်မှာ အရှင်မဟာဟိန္ဒဖြစ်၍ အဖော်အဖြစ် သာသနာကို စောင့်ရှောက်ရန် အလိုငှာ သိကြားမင်းအား ကူညီပါဟု မိန့်ကြားတော်မူခဲ့သည်။ သိကြားမင်းမှ ၀န်ခံကတိပြုခဲ့ခြင်းကို သိကြားသာသနာဟု ထင်မှတ်မှားနေခဲ့ခြင်းဖြစ်သည်။

ကမ္ဘာပျက်ခါနီး လူ့သက်တမ်း ၅ နှစ်တမ်းတွင် သံဃာတော်တို့မှာ သင်္ဃန်းတော်အပိုင်းအစများကို နားတွင် နားတောင်းပန်သလို ၊ ခါးတွင် ခါးပတ် ပတ်သလို ၀တ်တော်မူကြပါလိမ့်မည်။

သိကြားမင်း ဆိုသည်မှာ လူ့ပြည်တွင် လူဖြစ်တုန်းက ဘုရားတည်၊ ကျောင်းဆောက်၊ လမ်းပြင် တံတားဆောက်၊ လူမူရေးအ၀၀နှင့် အများအကျိုးရွက်သယ်ပိုးခဲ့သော ကုသိုလ်ကောင်းမှု အစုစုတို့ကြောင့် နတ်ပြည်ခြောက်ထပ်တွင် ဒုတိယမြောက်အထပ် တာဝတိံသာ တွင် သိကြားမင်းအဖြစ် ရောက်ရှိရလေသည်။ မိဘကို လုပ်ကြွေးသော သားသမီးအား သိကြားမင်းမှ ရှိခိုးရသည်။ ဇနီးမယားဖြစ်သူအား ခင်ပွန်းမှ လင့်ဝတ္တရားကျေပွန်စွာ ပြုစုလုပ်ကျွေးပါက သိကြားမင်းပင် ရှိခိုးရပေသည်။ အများအကျိုးရွက်သယ်ပိုးသော ၊ သူတော်ကောင်းစိတ်ထားရှိသော ပုထုဇဉ် ပုဂ္ဂိုလ်တို့အားလည်း ဘေးဒုက္ခရောက်က သိကြားမင်းထိုင်တော်မူသော သတ္တုကဗ္ဗလာ မြကျောက်ဖျာ တင်းမာလာသောကြောင့် ကူညီစောင့်မတော်မူရလေသည်။ ထို့အတူ မိဘကို ပစ်မှား၊ အကုသိုလ် အတော်များတဲ့သူမှာတော့ ၀ရိဇိန် လက်နက်ဖြင့် ပစ်ခွင်း၍ နှိမ်နင်းတော် မူလေသည်။ ထိုသို့ ဆောင်ရွက်ရခြင်းမှာလည်း သိကြားမင်းဖြစ်ရခြင်း၏ သိကြားမင်း လုပ်ဆောင်ရန် တာဝန်ပင် ဖြစ်ပေလိမ့်မည်။ လူ့ပြည်တွင် သာသနာတော် ဆက်လက်တည်တံ့ရေးမှာ သိကြားမင်း မပြုလုပ်နိုင်ပေ။ ဘုရားရှင်မှ သာသနာနှစ်၂၅၀၀ တည်စေမည်ဟု မိန့်ကြားတော်မူစဉ် သံဃာတော်ရှင်သူမြတ်များမှ တောင်းပန်လျှောက်ထားသောကြောင့် နောက်ထပ်နှစ် ၂၅၀၀ ကို သိကြားမင်းအား သာသနာကို စောင့်ရှောက်စေသည်။ ထို့ကြောင့် သာသနာနှစ် ၂၅၀၀ နောက်ပိုင်းတွင် သိကြားမင်းမှာ သာသနာကို စောင့်ရှောက်ခြင်းသာဖြစ်ပြီး အမှန်တကယ် လက်ရှိသာသနာမှာ ဘုရားသာသနာပင်ဖြစ်ပါသည်။

သံဃာတော်တို့အတွက် ဆွမ်း၊ ဆေး ၊ ကျောင်း၊ သင်္ကန်း စုံလင်စွာဖြင့် ဒကာ ဒကာမတို့မှ လှူဒါန်း ဆက်ကပ်ခြင်းဖြင့်သာ သံဃာတော်များ ရပ်တည်ကြရလေသည်။ ထိုသို့ သဒ္ဓါတရား အလှူဒါနများ နည်းပါးသွားလေလေ သံဃာတော်များရှားပါး သွားလေလေ ဖြစ်ပါလိမ့်မည်။ သံဃာတော်တို့သည် ဒကာ ဒကာမတို့၏ မေတ္တာဖြင့် လှူဒါန်းသောအရာဝတ္တုတို့ကို အလှူခံ၍ ဒကာ ဒကာမတို့အား မှန်ကန်သော စရိုက် မှန်ကန်သောအတွေး မှန်ကန်သော အမြင်ဖြင့် အကျိုးအကြောင်း အဆိုးအကောင်း ပိုင်းခြားဝေဖန်နိုင်ကာ မှန်ကန်သောအသက်မွေးမှုနှင့် ကုသိုလ်ကောင်းမှု အစုစုတို့ကို ပြုလုပ်စေရန်နှင့် သံသရာစက်ဝန်းမှ လွတ်ကင်း၍ နိဗ္ဗာန်သို့ မျက်မှောက်ပြုနိုင်ရန် လမ်းညွှန်ပြသပေးတော်မူလေသည်။ သာသနာတော်တည်ရှိခြင်း၏ ကောင်းကျိုးတွေပင် ဖြစ်တော်မူပေသည်။ ထို့ကြောင့်ပင် သံဃာတော်ရှင်သူမြတ်များတည်တံ့ပွားများရေးသည် ဒကာ ဒကာမတို့၏ စေတနာ သဒ္ဓါတရားတို့အပေါ် မှီတည်နေသလို သာသနာတော်ပြန့်ပွားတည်တံ့ရေးမှာ သံဃာတော်ရှင်သူမြတ်များ အပေါ်မှီတည်နေပေသည်။ အကယ်၍ထို့သို့ မဟုတ်ခဲ့ပါလျှင် သာသနာတော်သည် တဖြည်းဖြည်း ဆုတ်ယုတ်ကာ ပျောက်ကွယ်သွားပေမည်။ သိကြားမင်းဆင်း၍ သတိပေးရုံသာ တတ်နိုင်လိမ့်မည်… ထို့ထက် တတ်နိုင်မည် မဟုတ်ချေ …….. ။

သာသနာတည်သရွေ့ ဘုရားရှင်၏သာသနာတစ်မျိုးတည်းသည်သာ မပျက်မစီး၊ မမှားမယွင်း၊ မဖေါက်မပြန်၊ မှန်ကန်စွာ တည်တံ့နေမည် ဖြစ်သောကြောင့် ဘုရားရှင်၏အဆုံးအမအတိုင်းနေထိုင် ကျင့်ကြံမည်ဆိုလျှင် သံသရာမှ လွတ်မြောက်ရာ ပြည်နိဗ္ဗာန်သို့ အရောက်လှမ်းနိုင်မည်သာ ဖြစ်ပေသည်။

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s